„ალტერნატიული ტალღა” 2019 წლის გამოშვებისთვის აპლიკაციების მიღებას იწყებს

628

ინდუსტრიული პლატფორმა “ალტერნატიული ტალღა” იწყებს 2019 წლის გამოშვებისთვის აპლიკაციების მიღებას. ინფორმაციას საქართველოს კინემატოგრაფიის ეროვნული ცენტრი ავრცელებს.

შერჩეულ მონაწილეებს მიეცემათ შესაძლებლობა ექსპერტების მონაწილეობით განავითარონ სრულმეტრაჟიანი მხატვრული ფილმის პროექტები შემდეგი მიმართულებებით:

სცენარის განვითარება

პროექტის განვითარება

კო-პროდუქციის სტრატეგია

“ალტერნატიული ტალღა” 2019-ის დასასრულს, კინოინდუსტრიის წარმომადგენლებისთვის გამართულ პრეზენტაციაზე გამოვლინდება საუკეთესო პროექტები რომლებსაც გადაეცემათ შემდეგი პრიზები:

I ადგილი – 10.000 ევროს ღირებულების პოსტ-პროდუქციის სერვისი

II ადგილი – პროექტის სელექცია პროგრამაში MeetingontheBridge

III ადგილი – ბერლინის საერთაშორისო კინოფესტივალზე დასწრება (აკრედიტაცია, ავიაბილეთები, სასტუმრო)

პროექტის შესარჩევად წარმოდგენილი უნდა იყოს შემდეგი დოკუმენტები (ქართულ ან ინგლისურ ენაზე):

სცენარი ან თრითმენტი

სინოფსისი

რეჟისორის ხედვა

პროდიუსერის მოტივაცია

რეჟისორის ბიო-ფილმოგრაფია

პროდიუსერის ბიო-ფილმოგრაფია

ბიუჯეტი

ფინანსური გეგმა

გთხოვთ დოკუმენტები გააგზავნოთ შემდეგ მისამართზე: awbiaff@gmail.com

პროექტების შემოტანის ბოლო ვადაა: 2019 წლის 15 ივლისი

“ალტერნატიული ტალღა” გაიმართება “ბათუმის საერთაშორისო კინოფესტივალის” ფარგლებში 2019 წლის 19-22 სექტემბერს ბათუმში. შერჩეული პროექტებიდან მონაწილეობის მისაღებად მოწვეული იქნება ორი წარმომადგენელი -რეჟისორი და პროდიუსერი. “ალტერნატიული ტალღა” დაფარავს მონაწილეების სასტუმროში განთავსების და კვების ხარჯებს.

ინდუსტრიის წარმომადგენლებს მიეცემათ შესაძლებლობა დაესწრონ მოწვეული სპეციალისტების ღია ლექციებსა და შეხვდნენ შერჩეული პროექტების წარმომადგენლებს.