ქართველი მეცო-სოპრანო, ანიტა რაჭველიშვილი მეტროპოლიტენ ოპერის ათ საუკეთესო მომღერალს შორის დაასახელეს.
OperaWire-ის მიერ გამოქვეყნებულ სიაში მოხვდნენ შემსრულებლები, რომლებიც ნიუ-იორკის მეტროპოლიტენ ოპერის სცენაზე 2018-2019 წლების სეზონზე გამოდიოდა.
სტატიაში აღნიშნულია, რომ სწორედ ეს სეზონი რაჭველიშვილის კარიერაში საუკეთესო იყო.
ქართველი მეცო-სოპრანოს სადებიუტო ალბომი Anita, რომელიც 2018 წლის გაზაფხულს გამოვიდა, OperaAwards-ის საუკეთესო სოლო ალბომების ნომინაციაში მოხვდა.
გარდა ამისა, რაჭველიშვილმა პარიზის ოპერაში დალილას როლის შესრულებისთვის, BachtrackOperaAwards-ზე წლის საუკეთესო ქალი მომღერლის ნომინაციაში გაიმარჯვა, TheNewYorkTimes-მა კი კლასიკური მუსიკის ერთ-ერთ საუკეთესო შემსრულებლად დაასახელა.
OperaWire გამოქვეყნებულ სტატიაში წერს, რომ ანიტამ, საოპერო სეზონის განმავლობაში ერთმანეთზე უკეთესი, სამი განუმეორებელი როლი შექმნა და ყოველი მათგანი მომღერლის საშემსრულებლო ხელოვნებას კიდევ უფრო თვალსაჩინოს ხდიდა.
