Barnovi House of Arts-ში გურამ წიბახაშვილის გამოფენა 1 თვე მიმდინარეობდა და დახურვის დღეს წიგნის პრეზენტაცია „ზამთარი გადატანილია”-ც გაიმართა.
გამოფენაზე წარმოდგენილი ფოტოები საქართველოს ისტორიის იმ გარდამტეხ მონაკვეთს ასახავს, რომელშიც, ერთის მხრივ, ახალდაბადებული სახელმწიფო ომს, შიმშილს და სიცივეს ებრძვის, მეორე მხრივ, კი საბჭოთა კავშირს თავდაღწეულ ქვეყანაში თანამედროვე ხელოვნება მოულოდნელად იწყებს აყვავებას.
„ზამთარი გადატანილია“ და თქმაა, რომლის მიხედვითაც ავტორს სწამს, რომ ყველა სირთულე უკან დარჩა და იმ დროს არსებული წინააღმდეგობებით შთაგონებული ხელოვნებაც ისტორიის ნაწილად იქცა, თუმცა, ამ ექსპოზიციაში დრო და დრო მაინც იჩენს თავს კითხვები: რა დაგვრჩა 1990-იანი წლებიდან? რა შეიცვალა 25 წლის შემდეგ? შეიცვალა თუ არა რამე, ან უბრალოდ, „ზამთარი გადატანილია?“
წიგნი გურამ წიბახაშვილის 250–მდე ფოტოს, მის ისტორიებს და ანა კორძაია-სამადაშვილის ესეებს აერთიანებს და გამომცემლობა „ინდიგოსთან“ თანამშრომლობით შეიქმნა.
