„ევროვიზია 2019“ – ნარინჯისფერ ხალიჩაზე თამთა გოდუაძემ პირველმა გაიარა

868

„ევროვიზია 2019“ ოფიციალურად გაიხსნა. გახსნის ცერემონიაზე ნარინჯისფერ ხალიჩაზე პირველმა, ქართველმა მომღერალმა თამთა გოდუაძემ გაიარა. თამთა მაყურებლის წინაშე კვიპროსის სახელით წარსდგა.

წელს კვიპროსი ევროვიზიაზე 35-ედ მონაწილეობს. დებიუტი კი 1981 წელს შედგა. დღეის მდგომარეობით კვიპროსის საუკეთესო შედეგი მე-2 ადგილია, რომელიც გასულ წელს დაიკავეს.

2004-დან 2013 წლამდე, წარუმატებლი აღმოჩნდა კვიპროსის მონაწილეობა ევროვიზიის ნახევარფინალში, რადგან 8 მცდელობიდან 6 ჯერ ვერ შეძლეს ფინალში გადასვლა. 2015 წლიდან კი ბოლო 4 წლის განმავლობაში ის ფინალში აღმოჩნდა.

რა შედეგით დასრულდება „ევროვიზია 2019“ კვიპროსისთვის, ამას რამდენიმე დღეში გავიგებთ.

შეგახსენებთ, რომ წელს ევროფესტივალს თელ-ავივი მასპინძლობს. ორგანიზატორი კი კომპანია Myheritage.com-ია. სწორედ კომპანიის ლოგოს ფერის გათვალისწინებით გადაწყდა, გახსნის ცერემონიაზე წითლის ნაცვლად ნარინჯისფერი ხალიჩის დაგება.