მერაბ კოსტავასადმი მიძღვნილი გამოფენა ეროვნულ არქივში გაიხსნა

578

მერაბ კოსტავას დაბადებიდან 80 წელი სრულდება. ამ დღესთან დაკავშირებით გამოფენა გაიხსნა, რომელიც იუსტიციის მინისტრმა თეა წულუკიანმა გახსნა.

საგამოფენო პავილიონში წარმოდგენილია მერაბ კოსტავას პირადიარქივი, რომელიც ეროვნულ არქივს მისმა მეუღლემ, რუსუდან ბერიძემ გადასცა. ასევე წარმოდგენილია კერძო კოლექციებსა და საქართველოს ეროვნულ არქივში დაცული საარქივო მასალა და ფოტოები, რომელთა უმრავლესობა საზოგადოებისთვის დღემდე უცნობი იყო.

გამოფენა 7 ივნისამდე გაგრძელდება. დათვალიერება თავისუფალია.

გამოფენასთან ერთად, 23 მაისს, 18:00 საათზე ეროვნული არქივის კინოთეატრში დაგეგმილია მერაბ კოსტავასადმი მიძღვნილი რეჟისორ გოგა ხაინდრავას დოკუმენტური ფილმი „კართაგენი უნდა დაინგრეს!“