ყოფილი მოდელი და ტელე–წამყვანი ნუკი კოშკელიშვილი “ინსტაგრამის” პირად გვერდზე კომპლექსებზე საუბრობს და გულშემატკივრებისგან მხარდაჭერას ელის. სულ მალე ის 29 წლის ხდება და აპირებს, რომ წონაში დაიკლოს და ფორმაში ჩადგეს. სხვათაშორის ნუკი თავის დიეტასაც აქვეყნებს.
„წონაზე ვლაპარაკობ, თუ ამოგივიდათ ყელში არ წაიკითხოთ. ეს ფოტო არის გადაღებული, როდესაც ვიყავი ორი თვის ორსული. მე ყველაზე დიდი წონა მოვიმატე ორსულობის ბოლო თვეებში და როგორ მიჭირს ბოლო 6-7 კილოს დაკლება, ქე იცით. ორი რამ არის ცხოვრებაში, რაც ძალიან მაკომპლექსებს, გაგეცინებათ და ცხვირი არცერთია. პირველი არის წონა და მეორე ის, რომ დრო გადის და ასაკი მემატება. ერთ თვეში ვხდები 29 წლის და გადავწყვიტე, დავიბრუნო სასურველი წონა და იქნებ შევხვდე დაბადების დღეს, კიდევ უფრო ფორმაში ვიდრე ოდესმე. აქ რატომ ვწერ? არ ვიცი, ალბათ მოტივაციისთვის, მინდა თქვენი მხარდაჭერა. აქამდე მქონდა სამი ცდა და არც ერთმა გაამართლა. ბავშვს კვლავ ვაჭმევ, მაგრამ უკვე საგრძნობლად ნაკლებად არის დამოკიდებული და იქნებ გამომივიდეს. თან ზაფხული მოდის და საჭიროა, ცოტა თავი ხელში ავიყვანო”, – წერს ნუკი.
„დილას – 200 გრ ყველი, კიტრი
დღე მეორე – მოხარშული კალმახი, კიტრი, პომიდორი, სალათის ფურცელი
საღამო – ხაჭო უცხიმო, ერთი ჭიქა კეფირი, კიტრი
ყველაფერი უმარილო, უშაქრო.
ბევრი სითხე და არა ალკოჰოლს! წარმატებები!”
