წარმოგიდგენთ ამერიკელი რეპერის და მომღერლის ოსტინ რიჩარდსის, ბევრისთვის სასცენო სახელით ცნობილი როგორც Post Malone, უახლეს ფოტოსესიას Billboard-ის Cover Story-ისთვის.
მან ფოტოსესიის დროს სხვადასხვა ფორმის საყურე და კაბა მოირგო რომლითაც გენდერული სტერეოტიპები დაამსხვრია. მის იმიჯზე დიზაინერ Catherine Hahn-მა იზრნა, ხოლო ფოტოები Eric Ryan Anderson-ს მიანდეს.
40 წლის ამერიკელმა მომღერალმა და მსახიობმა ბიონსე ნოულზმა სამოსის საკუთარი ხაზის უახლესი კოლექცია წარადგინა, კოლაბორაცია ადიდასთან გაყიდვაში ვალენტინობისთვის ჩაეშვება.
Ivy Park x Adidas-ში ძირითადად სპორტული და კომფორტული სტილის სამოსი ჭარბობს. კოლექცია მკვეთრი და ნათელი ფერებით გამოირჩევა. გარდა იმისა რომ ახალი ხაზი სპორტული მიმართულებისაა, ვალენტინობის დღესთან დაკავშირებით მასში სექსუალური და წითელი სამოსიცაა შერეული.
ვენაში გაიხსნა გამოფენა “სალვადორ დალი და ზიგმუნდ ფროიდი”, რომელიც კატალონიელი მხატვრის შემოქმედებაზე ფსიქოანალიზის ფუძემდებლის გავლენას ეძღვნება. ექსპოზიციაში 100 ნამუშევარია.
დალიმ ფროიდი 1920–იან წლებში გაიცნო. მისი გავლენის ქვეშ ის საკუთარ ფერწერულ ენას ქმნიდა. თუმცა, უნდა აღინიშნოს, რომ ფროიდი სკეპტიკურად უყურებდა სიურრეალიზმს.
“ეს გამოფენა გვიამბობს ორ ადამიანზე, რომლებმაც განსაზღვრეს მეოცე საუკუნის კულტურული და ინტელექტუალური ლანდშაფტი. სალვადორ დალი შეპყრობილი იყო ზიგმუნდ ფროიდის მეცნიერული მეთოდებით და ეს მისი შემოქმედების მამოძრავებელი ძალა იყო”, – აცხადენს ექსპერტი სტელა როლინგი.
ვენის გალერეა ბელვედერმა artèQ -თან ერთად გუსტავ კლიმტის ნამუშევრის “კოცნის” NFT-ს გამოშვების თაობაზე განცხადება გააკეთა. აქცია წმინდა ვალენტინის დღისთვისაა დაგეგმილი. ტილოს ციფრული ასლი 10 000 უნიკლაურ ფრაგმენტად დაიყოფა, ყოველი მათგანი კი ცალკეულ ტოკენად იქცევა. თითოეულის საორიენტაციო ღირებულება 1850 ევრო იქნება.
ტოკენის ყიდვისთვის რეგისტრაცია 2022 წლის 26 იანვრიდან დაიწყო, ხოლო ტოკენიზაცია 9 თებერვალს დასრულდება.
ნიუ–იორკში ტრადიციული ზამთრის აუქციონებზე, რომლებიც ძველი ოსტატების მოღვაწეობას ეძღვნება, მსოფლიო არტ–დილერები იკრიბებიან. მათ შორის წარმოდგენილია გალერეა Agnews, რომელიც პირველად წარმოადგენს აშშ–ის ტერიტორიაზე ალბრფეხტ დიურერის ნამუშევარს.
აღსანიშნავია, რომ 1503 წლით დათარიღებული ნამუშევრის მფლობელმა ის 2017 წელს, 30 დოლარად შეიძინა. წლების შემდეგ მან Agnews-ის ექსპერტებს მიმართა, რომლებმაც დაადასტურეს დიურერის ავტორობა.
“ეს ძალიან იშვიათი ნამუშევარია. მსგავსი აღმოჩენები ცხოვრებაში ერთხელ ხდება. დიურერის ნამუშევრები საკმაოდ იშვიათად ჩნდებიან ჩვენს ბაზარზე. ბოლოს მსგავსი ხარისხის ნამუშევარი 1978 წელს ლონდონში Sotheby’s-ის აუქციონზე გაიყიდა”, – განაცხადა Agnews-ის გალერეის დირექტორმა ენტონი კრაიტონ–სტიუარტმა.
იტალიელი მსახიობი მონიკა ვიტი 90 წლის ასაკში გარდაიცვალა.
“რობერტო რუსომ (ვიტის მეუღლე) მთხოვა დამეწერა, რომ მონიკა ვიტი გარდაიცვალა”, – წერს პოლიტიკოსი ვალტერ ვალტრონი.
Roberto Russo, il suo compagno di tutti questi anni, mi chiede di comunicare che Monica Vitti non c’è più. Lo faccio con dolore, affetto, rimpianto.
— walter veltroni (@VeltroniWalter) February 2, 2022
ამერიკის შტატ ნიუ–ჯერსის მილტაუნის რეგიონში, ყოველწლიური დღესასწაული “ზაზუნას დღე”, ქალაქის ზაზუნის გარდაცვალების გამო გაუქმდა.
“დიდი მწუხარებით ვიუწყებით, რომ მილტაუნ მელი ცოტა ხნის წინ გარდაიცვალა. იმ ფაქტის გათვალისწინებით, რომ ზაზუნა სულ 3 წელს ცოცხლობს, ეს დიდი შოკი არ ყოფილა, მაგრამ მელმა წლის მძიმე დროს მიგვატოვა. ახლა მის ძმებს სძინავთ. ვეცადეთ მისი შემცვლელი გვეპოვა, მაგრამ უშედეგოდ”, – აცხადებენ ღონისძიების ორგანიზატორები.
კანიე უესტს საკუთარი თავის შესახებ დოკუმენტური ფილმის “Jeen-Yuhs” რედაქტირების საშუალება არ მიეცემა. ამის შესახებ რეჟსორებმა კუდი სიმონსმა და ჩიკ ოზამ განაცხადეს.
“კანიე ასეთი ცვალებადი პერსონაჟი რომ არ იყოს, არც ფილმი გამოვიდოდა საინტერესო”, – აცხადებს ოზა.
დისნეის ახალი ანიმაციის ,,ენკანტოს’’ სიმღერა “We Don’t Talk About Bruno” დისნეის პირველი სიმღერაა, რომელმაც ბოლო 29 წლის განმავლობაში Billboard Hot 100-ში პირველ ადგილს მიაღწია. ,,ბრუნომ’’ შეძლო ის რაც ევრ მოახერხა “Let It Go’’-მაც კი, თუმცა მან ვერ გაუსწრო ადელის ,,Easy on Me”-ის, რომელიც უკვე რამდენიმე კვირაა ჩარტის სათავეშია.
შეგახსენებთ, „ენკანტო“ დისნეის ახალი ანიმაციაა, რომლის შემოსავალმაც მსოფლიოში 222 მილიონ დოლარს გადააჭარბა.
Studio Ghibli-ს ჯადოსნურ სამყაროს ვინც იცნობს აუცილებლად ერთხელ მაინც გაუჩნდებოდა სურვილი ენახა მოსიარულე კოშკში, მფრინავი სახლი ან მორბენალი თევზები. სწორედ ასეთი ადამიანებისთვის სასიხარულო ამბავი გვაქვს, 1-ელ ნოემბერს იაპონიაში Studio Ghibli-ის პარკი იხსნება.
Studio Ghibli-ის პარკის ოფიციალურ ვებგვერდზე რამდენიმე ფოტოს ნახვა უკვე შეგიძლიათ. პარკში ტოტოროს ქანდაკება, საცუკისა და მეის სახლი, გულის ჩურჩულის ჯადოსნური მაღაზია და სხვა ზღაპრული ადგილები დაგხვდებათ. პარკის მეორე ნაწილის მშენებლობა 2023 წელს დაიწყება. დამთვალიერებლებს კიკის მიტანის სერვისის, პრინცესა მონონოკესა და ჰოულის მოსიარულე კოშკის სამყაროების უკეთესად გაცნობა შეეძლებათ. აღსანიშნავია, რომ პარკში ჰოულის კოშკსაც ააშენებენ, რომელშიც იმედია, თავად ჰოულიც დაგვხვდება.
აღსანიშნავია, რომ ვებგვერდის მიხედვით, პარკში ატრაქციონები არ იქნება.
მისი მთავარი მიზანი დამთვალიერებლებისთვის, Studio Ghibli-ის სამყაროს გაცნობისა და მასში მოგზაურობის შესაძლებლობის მიცემაა.
